Ако се загледате малку повнимателно, ќе сфатите дека сме опкружени со баклави. Нашиот прв голем предизвик е да ја (на)цртаме оваа совршена геометриска форма во звучниот простор.

Баклава е и моќен, исклучително благ десерт. Оној што вкусил баклава не може да остане рамнодушен. Нашиот втор предизвик е да продреме во тајните и рецептите на музичките деликатеси на македонската изворна музичка традиција.

Баклава е музички состав со минималистички музички концепт: звукот го градат само еден женски вокал и два жичани и ударни народни инструменти - тамбура и деф. Трет голем предизвик во музицирањето: едноставност и непретенциозност.